Inglaterra revalida o título europeo tras derrotar a España nos penaltis

A forza da selección inglesa levouna a reeditar o título europeo ante España en Basilea. 

Inglaterra igualou o gol de Mariona Caldentey cun tanto de Russo no minuto 57 da segunda parte. España buscou o gol no tempo de prolongación. Salma Paralluelo dispuxo de varias ocasións que non materializou e o partido decidiuse dende os once metros. 

Cata Coll parou dous penaltis pero non foi suficiente. Hannah Hampton detivo os de Mariona e Aitana. Isto, sumado ao que Salma mandou fóra, deixou a España sen a ansiada Eurocopa. 

Inglaterra convértese en campioa de Europa por segundo ano consecutivo.