Inditex sofre un acceso indebido a bases de datos de clientes de diferentes mercados

 Inditex identificou un acceso non autorizado a bases de datos da súa organización aloxadas nun terceiro que conteñen información da relación comercial con clientes de diferentes mercados.

Nun comunicado remitido esta noite, Inditex informou de que nas devanditas bases de datos non había información persoal como nome e apelidos, teléfono, domicilio, contrasinais, tarxetas bancarias ou outros medios de pagamento.

A empresa asegura que aplicou inmediatamente os seus protocolos de seguridade e iniciou a notificación ás autoridades correspondentes sobre este acceso non autorizado.

Este acceso non autorizado, explica no comunicado, ten a súa orixe nun incidente sufrido por un antigo provedor tecnolóxico que afectou a diversas compañías con actividade internacional.

"As operacións e os sistemas de Inditex non sufriron afectación ningunha e os clientes poden seguir accedendo e operando con total seguridade", conclúe o comunicado.