Cargando resultados...
Inditex logra un beneficio récord de 1.794 millóns de euros no primeiro semestre
As vendas alcanzaron 14.845 millóns, un 24,5 % máis en taxa interanual
O resultado bruto de explotación creceu un 30 %, ata 4.029 millóns
G24.gal
14/09/2022 08:32
O grupo Inditex obtivo un beneficio neto récord no primeiro semestre fiscal (febreiro a xullo) de 1.794 millóns de euros, un 41 % máis que no mesmo período de 2021, segundo comunicou á Comisión Nacional do Mercado de Valores.
As vendas alcanzaron 14.845 millóns, un 24,5 % máis en taxa interanual, que a tipo de cambio constante creceron un 25 % e foron positivas en todas as áreas xeográficas onde opera o grupo. O resultado bruto de explotación creceu un 30 %, ata 4.029 millóns en relación co período febreiro-xullo do ano pasado.
