Publicador de contidos

Publicador de contidos

Inditex inviste 238 millóns nun novo edificio para Zara en Arteixo

Inditex inviste 238 millóns nun novo edificio para Zara en Arteixo

As obras comezarán en xaneiro e as novas instalacións en Sabón albergarán equipos comerciais e de deseño 

G24.gal 22/12/2021 11:33

Inditex investirá 238 millóns de euros nun novo edificio de 170.000 metros cadrados que será a base dos equipos comerciais e de deseño de Zara na sede do grupo en Arteixo, segundo informou a compañía.  

Está previsto que as obras comecen o próximo mes de xaneiro, en cumprimento cos trámites administrativos correspondentes, e conclúan nun prazo aproximado de dous anos.

Estas novas instalacións, definidas pola sinxeleza das súas liñas, os seus amplos espazos diáfanos, a eficiencia enerxética e a sustentabilidade, foron concibidas, segundo o grupo, para potenciar a dinámica de traballo horizontal entre deseñadores,  patronistas e profesionais comerciais, baseada na creatividade, a colaboración aberta e a comunicación fluída.  

O novo edificio, de cinco plantas -e dous máis de aparcamento-, dará continuidade á identidade visual das oficinas contiguas, destinadas ás operacións de zara.com.  

Segundo explicou a firma, no novo edificio predominarán a cor branca e as grandes ventás horizontais con beirados que lle conferirán protección solar e asolagarán de luz natural espazos interiores con alturas libres de 4,70 metros.  

Cada unha das plantas dos equipos comerciais, cunhas dimensións de 230 metros de longo por 104 metros de ancho, contará con dúas grandes zonas de traballo conectadas, de 9.500 metros cadrados cada unha.   

Publicidade
Publicidade
Publicidade