Publicador de contidos

Publicador de contidos

Inditex cobra dende este mércores 1,95 euros nas devolucións con recollida en domicilio

Inditex cobra dende este mércores 1,95 euros nas devolucións con recollida en domicilio

A compañía seguirá ofrecendo devolucións gratuítas se levan a cabo nas tendas do grupo

G24.gal 01/02/2023 19:25

O grupo téxtil Inditex empezou a cobrar desde este mércores 1,95 euros polas devolucións de compras en liña realizadas en calquera das súas marcas para as que se solicite a recollida a domicilio.

A marca xa o viña facendo así en 30 mercados entre os que non se atopaba España.

"As devolucións de pedidos realizados a partir do 1 de febreiro de 2023 terán un custo de 1,95 euros que se descontará do importe reembolsado", explica a compañía en varias páxinas web das súas distintas marcas.

Esta recarga non se aplicará unicamente a Zara, a marca insignia da compañía, senón a todas as marcas do grupo: Pull&Bear, Stradivarius, Bershka, Oysho, Massimo Dutti e Zara Home.

Con todo, a compañía seguirá ofrecendo devolucións gratuítas se se levan a cabo nas tendas do grupo.

Con esta manobra, Zara súmase a outros competidores como H&M, que desde hai meses cobra 1,95 euros aos clientes que non están rexistrados na súa web; El Corte Inglés, con ata 7,9 euros por devolucións completas, ou Uniqlo, que cobra 2,95 euros e non ofrece a posibilidade de devolver sen custo nas súas tendas físicas.

Pola contra, un dos principais rivais de Inditex en España, Mango, non aplica ningunha recarga pola recollida a domicilio, do mesmo xeito que o grupo Tendam (con marcas como Cortefiel, Springfield, Women'secret, Hoss ou Pedro do Hierro).

Publicidade
Publicidade
Publicidade
Publicidade