Inditex aumentou as súas vendas nun 3,2 % e o beneficio neto un 6 % en 2025
A xunta de accionistas aprobou o nomeamento do expresidente de Bankia, José Ignacio Goirigolzarri, como novo conselleiro
Tamén o reparto dun dividendo de 1,75 euros por acción e o incremento dun 3 por cento do incentivo aos dependentes das tendas
O grupo Inditex ten moi clara a súa estratexia de futuro: evolucionar sen perder a súa esencia.
Nin o complicado contexto xeopolítico internacional freou a súa expansión. As vendas do xigante do téxtil medraron un 3,2 por cento en 2025, e o beneficio neto da compañía superou os 6.200 millóns de euros, un 6 % máis que o ano anterior. Case un terzo vaise reinvestir neste 2026. Unha boa parte en loxística e tecnoloxía. Pero tamén coa apertura de novos mercados. Bershka chegará nos próximos meses ao Brasil e aos Estados Unidos, Lefties a Alemaña e o Reino Unido, Massimo Dutti a Dinamarca e Zara Home a Noruega.
A xunta de accionistas aprobou o nomeamento do expresidente de Bankia, José Ignacio Goirigolzarri, como novo conselleiro de Inditex. Tamén o reparto de 1,75 euros por acción e o incremento dun tres por cento do incentivo aos dependentes das tendas.
