Incendio nunha nave abandonada en Ourense

Unha densa columna de fume negro sorprendía esta tarde os veciños de Ourense. O que ardía era unha nave abandonada da rúa Balneario, ao pé das coñecidas Torres do Pino. O 112 recibiu numerosos avisos de particulares que escoitaron estoupidos no interior.

Ao parecer, alguén vivía alí. Afortunadamente, non houbo feridos. O lume, que se iniciou contra as sete da tarde, quedaba controlado en menos dunha hora.