Inaugúrase en Oleiros o Paseo Pepe Mújica, dedicado ao expresidente do Uruguai
O tramo, aberto ao público desde hai dúas semanas, conecta Beiramar co límite de Cambre e forma parte do paseo que une os municipios da contorna da ría do Burgo
A obra contou cun investimento duns cinco millóns de euros, financiados polo Ministerio para a Transición Ecolóxica
O falecido expresidente do Uruguai José Mujica dá nome, desde este sábado, ao paseo marítimo da zona do Paraíso, no municipio de Oleiros, na ría da Coruña.
O tramo, aberto ao público desde hai dúas semanas, conecta Beiramar co límite de Cambre e forma parte do paseo que une os municipios da contorna da ría do Burgo. A obra contou cun investimento duns cinco millóns de euros, financiados polo Ministerio para a Transición Ecolóxica. O acto contou coa presenza do embaixador do Uruguai en España.
Bernardo Greiver do Hoyo, subliñou os "lazos" entre o Uruguai e Galicia con movementos migratorios ao longo da historia, que agora quedan plasmados nun sitio que é "como el o soñase", pois serve como "lugar de convivencia social, de encontro".
A exvicepresidenta uruguaia e compañeira de Mujica, Lucía Topolansky, a través dun vídeo, agradeceu "de corazón" a homenaxe e lembrou os vínculos entre galegos e uruguaios ao longo da historia.
Máis de trescentas persoas acudiron á inauguración do paseo.
