Ilusión e ambición na terceira etapa de Joselu no Lugo

Joselu regresa ao C. D. Lugo na súa terceira etapa, con máis ambición e ilusión que nunca. O Anxo Carro foi o escenario para a súa presentación como novo xogador albivermello.

Acompañado polo director deportivo, Carlos Pita, o punta destacou o proxecto en marcha, a recepción que o club sempre lle brindou, así como o contexto humano e deportivo xerado, como factores decisivos na toma da súa decisión.

Espera unha nova etapa de éxitos, e asegura a mellor das súas disposicións para axudar ao club na consecución dos seus obxectivos:

"Houbo momentos de coller as cousas e marchar. Son moi esixente comigo mesmo. Estou completamente activo. Hai que recuperar o ritmo de competición".