Iker Losada despídese do Celta: "Non é un adeus, é un ata pronto"

O canteirán Iker Losada, que regresará á disciplina do Betis tras xogar os últimos catro meses da pasada tempada cedido no R. C. Celta, afirmou que vivir a clasificación para a liga Europea co club da súa vida foi algo "inesquecible".

"Hoxe tócame despedirme do Celta, o club da miña vida. Aquí crecín como futbolista e como persoa, vivín momentos que nunca esquecerei e fixen realidade soños que tiña desde pequeno. Isto non é un adeus, é un ata pronto, porque o meu corazón queda en Vigo", escribiu o futbolista do Betis.

O atacante, ao que aínda lle restan catro anos coa entidade verde e branca, confesa que volver vestir a camiseta celeste foi "especial", e vivir co celtismo a clasificación para a liga Europea foi "simplemente inesquecible".

O pasado verán, Iker Losada asinou polo Betis despois de estar unha gran tempada en LaLiga Hypermotion co Racing de Ferrol, club ao que chegou tras desvincularse do Celta.