Claudio: "É cruel perder no minuto final e con dous erros nosos"

Claudio Giráldez foi contundente ao marchar de Balaídos cunha derrota ante a Juventus. "É cruel perder no minuto final, é cruel perder con dous erros nosos, é cruel que levemos dous partidos con cero puntos. Vánsenos os puntos no tempo de desconto nos dous encontros".

O Celta abriu a Europa League esta tempada cunha derrota en Chipre ante o Omonia (1-0) e outra en Vigo contra a Juventus (1-2). 

O desalento roldou o adestrador: "A sensación é que se nos foi un punto ou tres pero estou orgulloso do equipo".

Claudio quixo ser optimista. "Se fose afeccionado do Celta, non me iría decepcionado. Estamos xogando un Celta-Juventus na Europa League. Non nos pode decepcionar esta competición. Ten que motivarnos, ilusionarnos", confesou cunha mensaxe final: "Non teño dúbidas de que estaremos entre os 24".

O equipo celeste quedou condenado con dous erros defensivos de Marcos Alonso. "Está tranquilo. Creo que non lle vai afectar. O fútbol é un deporte de erros", sinalou Claudio Giráldez.

"O equipo foi valente. Estamos construíndo un equipo competitivo en moitos escenarios. Estamos empezando a competición. Gustaríanos levar máis puntos. O ano pasado tamén empezamos mal. Imos agora a Glasgow a un escenario espectacular. É un reto moi importante".