Unha pontevedresa de 42 anos, a segunda vítima galega do accidente de tren de Toledo

A noticia transcendeu este mediodía despois de que o alcalde de Cerdedo Cotobade confirmara a morte dunha veciña deste concello. A vítima, que residía en Madrid, desenvolvera parte da súa vida entre Cotobade e Pontevedra.

O seu falecemento foi confirmado despois de que os equipos forenses completaran durante a xornada de onte as autopsias dos 69 falecidos e a identificación de 36 deles.  

Os seus restos mortais serán trasladados ata Pontevedra e o concello de Cerdedo Cotobade anunciou que decretará loito oficial nas próximas horas. 

Esta nova vítima súmase ao veciño da Coruña falecido que viaxaba no AVE e que tamén foi identificado este venres.