Homenaxe en Ribadeo a vítimas represaliadas durante a guerra civil

Unhas pequenas lastras cunha placa co nome lembran en Ribadeo a corenta persoas que foron represaliadas durante a guerra civil e o franquismo. Situadas en lugares estratéxicos, fronte a onde viviron, traballaron ou faleceron, manteñen viva a memoria duns veciños que morreron por defender o réxime vixente daquela.

Ademais desta iniciativa, enmarcada dentro do proxecto Pedras da Memoria, tamén se contactou coa familia destas vítimas. 

Anacos de lembranza de vidas truncadas e esquecidas que agora se recuperan cunha homenaxe na vila na que viviron e morreron.