Homenaxe aos alumnos con mellores expedientes nas probas da ABAU

Máis de 1.000 alumnos de toda Galicia foron recoñecidos nunha cerimonia polos seus éxitos académicos. No Centro Multiusos Fontes do Sar foron citados todos aqueles que superaron o 9 de nota media sen contar a parte voluntaria. 

Son case o 10 % do total dos que se presentaron. Unha boa colleita xa que, de feito, é o segundo mellor resultado histórico. 

Non todas as mellores notas optan sempre polas carreiras universitarias a priori máis técnicas ou complexas. A clave para obter estes resultados segundo eles mesmos é a organización e o esforzo.

O 70 % son mozas mentres que, por provincias, A Coruña abrangue case a metade dos homenaxeados.