Goberno asturiano e sindicatos de educación alcanzan un preacordo para desconvocar a folga

O Goberno do Principado de Asturias e os sindicatos de educación chegaron este luns a un preacordo, tras case sete horas de negociación.

A vicepresidenta do Goberno do Principado, Gimena Llamedo, e o conselleiro de Facenda e portavoz do Executivo, Guillermo Peláez, explicaron en conferencia de prensa o preacordo despois de que os representantes sindicais tamén informasen do mesmo.

No exterior do Easmu, onde se produciu a reunión entre administración e sindicatos, centenares de docentes recibiron o preacordo con berros de "é un paso atrás", "mans arriba isto é un atraco" ou "Barbón dimisión", ao considerar que o acordo non responde ás as súas reivindicacións.

Principais medidas

As principais medidas do preacordo son axilizar as substitucións nos centros. O Principado comprometeuse a acelerar o procedemento de substitución do profesorado nos centros educativos, é dicir, a acurtar os tempos de incorporación ás aulas.

Tamén expresou a súa vontade de traballar de maneira coordinada coas direccións para que anticipen as súas posibles necesidades de persoal. Ademais, explorará a opción de realizar dúas convocatorias semanais para a cobertura de baixas.

Sobre a eliminación de burocracia, o Goberno propuxo reforzar o grupo de traballo que xa está creado para reducir tarefas burocráticas e renovar as reunións de maneira inmediata. A composición do equipo completarase con catro profesionais da Dirección Xeral de Estratexia Dixital e Intelixencia Artificial.

Entre outras accións, ao longo do próximo curso vaise automatiza a documentación das itinerancias do persoal docente e unificarase nunha mesma aplicación o control de asistencia do alumnado e a petición de autorizacións ás familias.

Igualmente, o Executivo asume o compromiso de deseñar un sistema de avaliación por competencias e de situacións de aprendizaxe.

Aumento salarial

En canto ao aumento salarial, o Goberno de Asturias actualizou a súa proposta inicial de mellora retributiva para o persoal docente, que agora se concreta nos seguintes apartados.

Un incremento mensual de 210 euros para o profesorado con menos de seis anos de experiencia laboral, o que supón un incremento de 2.940 euros ao ano.