Giménez e Casadó completan o seu primeiro adestramento co Deportivo
Giménez, na súa presentación: "Decidín vir pola tranquilidade que me transmitiron en todo momento e a seriedadde do club, o seu proxecto e a cidade"
O internacional uruguaio José María Giménez e o centrocampista Marc Casadó, incorporados polo Deportivo no último día do mercado de fichaxes, completaron este xoves o seu primeiro adestramento ás ordes de Antonio Hidalgo.
A presenza dos futbolistas sobre o céspede da cidade deportiva de Abegondo foi a principal novidade do adestramento do conxunto deportivista, que continúa preparando o duelo do próximo sábado contra o Vilarreal no Estadio da Cerámica, correspondente á cuarta xornada de LaLiga EA Sports.
Giménez, tras 13 tempadas no Atlético de Madrid, firma para achegar liderado e experiencia á liña defensiva. O central, ademais, chega con ritmo de competición tras ter minutos en dúas das tres primeiras xornadas.
Con menos ritmo chega o exfutbolista do F. C. Barcelona, ao que o alemán Hansi Flick non aliñou nas tres primeiras xornadas de liga. O último partido de Casadó coa camiseta azulgrá foi o amigable contra o Birmingham.
