Galicia, por riba da media española na vacinación en todas as idades
Galicia, por riba da media española na vacinación en todas as idades
É a comunidade con mellor ritmo de inmunización
A vacinación prosegue en Galicia coas doses de reforzo. Galicia é a comunidade con mellor ritmo de inmunización. Está por riba de media española en todas as franxas de idade.
A posta das terceiras doses como reflicten os datos de Sanidade sitúa á sanidade galega en lugar destacado. Comezamos polo grupo de idade con maior risco, os maiores de setenta anos, aquí Galicia supera o 93% dos galegos inmunizados con dose esa de reforzo.
Tamén por riba do 90%, está a a franxa de 60 a 69 anos, cun 92,98%. A diferenza coa media española é aínda máis notable se falamos da franxa de50 a 59 anos, en Galicia recibiron esta terceira dose máis do 88% e tan só un 36% no total do Estado.
Tamén considerable a distancia que hai nas persoas de 40 a 49 anos. Aquí máis dun 44% dos galegos xa se vacinaron, e aínda continúa esta semana a inmunización, a media española queda nun 19%.
RITMO DE VACINACIÓN
DOSES DE REFORZO GALICIA ESPAÑA
+ 70 ANOS 93,37% 88,61%,
60 A 69 ANOS 92,98% 78,23%
50 A 59 ANOS 88,61% 36,7%
40 A 49 ANOS 44,65% 19,48%