Galicia é a primeira comunidade en incorporar a protonterapia para tratar o cancro na sanidade pública

Galicia vai ser a primeira comunidade de España en incorporar a protonterapia nos tratamentos contra o cancro dentro da sanidade pública.

É un tipo de radioterapia avanzada que, ata ben pouco, só se podía recibir no estranxeiro. A partir do ano que vén estará dispoñible no Servizo Galego de Saúde.

A previsión é que o Centro de Protonterapia de Galicia, situado en Santiago, empece a tratar pacientes a finais de 2026.