Galicia continuará este xoves baixo o efecto das borrascas atlánticas

En boa parte de Galicia está activo hoxe un aviso amarelo por refachos de vento do sur que poden superar os 80 quilómetros por hora.  Afectaralle sobre todo ao suroeste e ao oeste da provincia da Coruña e tamén á montaña de Lugo e Ourense e mais á Mariña.

Esta madrugada, en que se repetiron as tronadas e os raios, Meteogalicia mantivo tamén activo, ata as seis, un aviso por choiva intensa de máis de 40 litros por metro cadrado.

O mal tempo continuará mañá. Seguirá chovendo con intensidade e zoará o vento forte. Estará activa a alerta por fortes refachos no mar.