Fran Alonso é rotundo: "O partido ante o Levante considerámolo como unha final"
A situación do Levante é crítica: último clasificado, con soamente dous puntos e ningunha vitoria no que vai de tempada
O técnico branquiazul recoñece que a estas alturas da tempada, esperaba que o equipo tivese máis puntos. A situación do Deportivo non reflicte os puntos cos que Fran Alonso contaba a inicio de tempada. É unha realidade exposta polo técnico madrileño, que recoñeceu na conferencia de prensa previa ao duelo contra o Levante a importancia de gañar mañá (19:30 horas en Riazor) para deixar atrás a mala serie.
A situación do Levante é crítica: último clasificado, con soamente dous puntos, ningunha vitoria no que vai de tempada e eliminadas da Copa contra unha 1ªRFEF. Sepárano 3 puntos da salvación.
“Considerámolo como unha final. É un partido no que debemos dar o 100 % para tentar gañar. Estamos a un clic de empezar a crecer e empezar a conseguir resultados positivos”.
O Dépor Abanca chega a este partido tras caer goleadas fronte ao Barça Feminino a xornada pasada. Unha moi mala imaxe na primeira parte fixo que o Dépor Abanca marchase ao descanso con oito goles encaixados.
