Ferida a condutora dun coche que chocou contra un autobús na estrada entre Santiago e Ourense
O accidente sucedeu na N-525 á altura de San Xulián de Arnois, no concello da Estrada
Os vinte pasaxeiros do autocar están ben e os bombeiros do Deza excarceraron a condutora do turismo, que estaba atrapada
Un turismo chocou a primeiras da tarde deste domingo cun autobús de Monbús na N-525 no punto quilómetrico 321, á altura de San Xulián de Arnois, moi preto da Ponte Ulla. A condutora do coche quedou atrapada entre os ferros polo que se precisou a actuación dos bombeiros do Deza, que se desprazaron ata o lugar para liberala.
Polo de agora descoñécese a gravidade das feridas da condutora que foi evacuada ata o Hospital de Santiago en helicóptero medicalizado
Os vinte pasaxeiros do autocar saíron ilesos do choque. Ata a zona do accidente tamén se desprazou o helicóptero medicalizado con base en Santiago, axentes da Garda Civil de Tráfico e o GES da Estrada,
