Ferido grave un mozo que caeu dende o alto dunha fonte na Coruña

Un mozo caeu desde o alto da fonte de praza de Azcárraga, na Coruña, e foi trasladado ao hospital en estado grave. Na baixada, levou con el a estatua que coroaba o monumento, coñecido como Fonte do Desexo.

Pasadas as doce da noite do domingo, o mozo de 25 anos subiu ata a escultura que, de xeito accidental, esborrallou ao ceder a súa base, segundo explican os Bombeiros.

Efectivos deste servizo trasladáronse ata o lugar para asegurar a zona. Ademais, o 061 enviou unha ambulancia medicalizada para trasladar o ferido ao Complexo Hospitalario Universitario da Coruña (CHUAC).