Ferida unha muller que quedou atrapada ao caerlle unha árbore encima en Poio

Unha muller quedou ferida este xoves ao mediodía en Poio ao caerlle unha árbore encima e quedar atrapada. Unha vez liberada, foi trasladada a un centro hospitalario.

Segundo informan o 112 Galicia e testemuñas presenciais, o aviso dábano varias persoas particulares sobre as 12:15 horas desde a rúa Río Lérez, nas inmediacións do Liceo Casino.

Seguidamente, a central de emerxencias informaba ao GES de Sanxenxo, aos bombeiros de Pontevedra, á Garda Civil, á Policía Local e aos efectivos de Protección Civil de Poio.

Unha vez alí, os equipos de emerxencias traballaron para liberar a muller, que podía presentar algunha fractura pero se atopaba en bo estado. Foi atendida no sitio polo persoal de Urxencias Sanitarias-061 antes de trasladala ao hospital.