Dúas persoas quedan feridas de gravidade nun accidente en Salvaterra

Dúas persoas quedaron feridas de gravidade nun accidente de tráfico ocorrido a primeira hora da tarde deste venres en Salvaterra.

O sinistro produciuse na estrada PO-403 cando unha condutora invadiu o carril contrario e chocou cun coche de axentes ambientais da Xunta de Galicia.

A muller tivo que ser liberada polos bombeiros e logo trasladada en helicóptero ao Cunqueiro. O outro ferido foi ingresado no mesmo centro.