Feijóo dá por morta a lexislatura e cualifica este Goberno de "tinglado"

Alberto Núñez Feijóo non escatimou en críticas ao Goberno e especialmente ao seu presidente, Pedro Sánchez, durante unha xuntanza no Senado cos seus deputados e senadores. Di Feijóo que este Goberno é "un tinglado pensado na mera supervivencia dunha persoa", en alusión ao xefe do Executivo. A el referiuse coma "un tapón para o cambio".

O líder do PP dá por "esgotada" a lexislatura tras as derrotas parlamentarias que sufriu o Goberno, as últimas onte mesmo. E pediulle a Pedro Sánchez que chame o rei para comunicarlle a "convocatoria de eleccións ou a súa dimisión".  Segundo Feijóo, a lexislatura pode colapsar definitivamente "en calquera momento".

A lectura na Moncloa é outra. A voceira do Goberno asume a derrota, pero asegura que a lexislatura non periga "en absoluto".  Pilar Alegría trata de restarlles importancia ás derrotas acumuladas polo executivo no Congreso. Achácao á minoría parlamentaria do Goberno, e iso esixe "máis traballo" para poder sacar adiante as iniciativas. 

O ministro de Economía tamén quere ver o vaso medio cheo. Confirma que seguirán negociando cos de Puigdemont e amósase confiado en que finalmente "haberá acordo" con Junts e os orzamentos "vanse poder presentar en tempo e forma".