Falece un home no incendio dunha vivenda en Betanzos
Ata o lugar acudiron os Bombeiros de Betanzos e a Garda Civil
Un home de avanzada idade faleceu no incendio dunha vivenda rexistrado no número 41 da rúa Cruz Verde de Betanzos. O 112 recibiu a alerta sobre as 05:50 horas deste venres tras ser alertada a Policía Local por un home que pedía axuda.
🔴 #AXEGAInforma dunha persoa falecida nun incendio en Betanzos.
— 112 Galicia (@112Galicia) December 12, 2025
📍 Rúa de Cruz Verde.
➡️ O lume pareceu iniciarse nunha estufa.
🚨 Urxencias Sanitarias de Galicia-061, Bombeiros de Betanzos, Garda Civil, Policía Local e AVPC de Betanzos. pic.twitter.com/iEI62fmnpW
O lume produciuse no terceiro andar e puido iniciarse por unha estufa no cuarto onde durmía o falecido.
Ata o lugar acudiron os Bombeiros de Betanzos, a Policía Local, Protección Civil e a Garda Civil. Pouco antes das 8:00 horas chegaba ata a vivenda a forense.
Despois de que acudiran os servizos de emerxencia, estes indicaron que un home falecera, sen que nada se puidera facer por salvarlle a vida. Por outra banda, os bombeiros, logo de sufocar o incendio, indicaron que este puido orixinarse nunha estufa. Ademais, o lume chegou a afectar a un colchón e a unha mesa.
