Falece un home atropelado no concello da Estrada

Un home faleceu este martes ao ser atropelado por un vehículo na Estrada, informa o 112 Galicia.

O atropelo produciuse na avenida Benito Vigo e a vítima foi atendida polos sanitarios do 061, que nada puideron facer por salvalo.

O 112 tivo coñecemento do accidente a través da chamada dun particular que xa lles confirmou a presenza do equipo médico de Urxencias Sanitarias.

A Policía Local da localidade pontevedresa informou a Emerxencias do falecemento do home. 

#AXEGAInforma dunha persoa falecida en #AEstrada.

A vítima foi alcanzada por un vehículo na avenida Benito Vigo.

Interviñeron: Urxencias Sanitarias de Galicia-061, @emerx_aestrada, axentes da Policía Local pic.twitter.com/Vf2TmxiA6y

— 112Galicia (@112Galicia) August 22, 2023