Falece unha nena de catro anos golpeada pola barra dun parasol en Vigo

Unha nena de catro anos faleceu este luns ao caerlle na cabeza o ferro dun parasol nunha leira particular en Bembrive, en Vigo. O accidente tivo lugar ás 17:45 horas e foi un particular o que alertou o 112 de que unha menor estaba ferida na cabeza.

Ata o lugar desprazáronse efectivos da Policía Nacional e Local e Urxencias Sanitarias de Galicia, que non puideron facer nada por salvarlle a vida á nena.