Falece un mozo logo de bater coa moto contra un muro en Vilalba
Malia que os servizos de emerxencias desprazáronse de inmediato tan só puideron confirmar o seu falecemento
O suceso ocorreu este pasado venres cando faltaban uns minutos para as 22:30 horas.
Un particular informaba ao 112 Galicia dun accidente de moto na rúa de Plácido Peña, 107 en Vilalba, Lugo. Indicaba que a moto chocara contra un muro e o motorista, veciño da zona, non se movía.
Malia que os servizos de emerxencias desprazáronse de inmediato ao punto, o persoal sanitario tan só puido confirmar o falecemento do mozo de 20 anos.
Os Bombeiros de Vilalba, a Garda Civil de Tráfico, a Policía Local e os efectivos da agrupación de Voluntarios de Protección Civil da localidade tamén foron avisados polo 112 Galicia nada máis recibir a chamada de alerta.
🔴 #AXEGAInforma dun motorista falecido en Vilalba
— 112 Galicia (@112Galicia) July 11, 2026
📍Rúa de Placido Peña, 107
➡️A moto que conducía o mozo chocou contra un muro e nada se puido facer por salvarlle a vida
🚨 Urxencias Sanitarias de Galicia-061, @guardiacivil Policía Local, Bombeiros e Protección Civil Vilalba pic.twitter.com/o8OWiI4MQr
