Falece un motorista tras bater contra un coche no concello de Santa Comba

Un motorista faleceu este domingo tras bater contra un vehículo no concello de Santa Comba. Segundo informa o 112, o sinistro produciuse á altura do quilómetro 52 da estrada AC-400 pasadas as doce do mediodía.

Cando alertaron do accidente, o motorista aínda presentaba constantes vitais. Porén, o equipo médico desprazado no helicóptero do 061, con base en Santiago de Compostela, non puido facer nada por salvarlle a vida.

Ata o lugar desprazáronse tamén axentes da Garda Civil de Tráfico, bombeiros de Santa Comba e membros do servizo municipal de Protección Civil.