Falece un home de 88 anos tras ser atropelado na N-525, en Allariz
O condutor do vehículo, que saíu ileso, deu negativo nos controis de alcol e drogas practicados
Un home de 88 anos faleceu este luns en Allariz (Ourense) tras ser atropelado por un vehículo, segundo informa o servizo de Urxencias Sanitarias de Galicia-061. O accidente mortal produciuse arredor das 12:26 horas, que foi cando a central de coordinación das emerxencias sanitarias recibiu a alerta por un atropelo na estrada nacional N-525, que leva de Benavente a Santiago de Compostela.
A colisión produciuse no punto quilométrico 216 desta vía, en sentido decrecente, e o condutor do vehículo, que resultou ileso, deu negativo nos controis de alcol e drogas practicados.
Ata o lugar do sinistro desprazouse persoal sanitario do centro de saúde da localidade, así como unha ambulancia asistencial e un helicóptero medicalizado. Con todo, non puideron salvar a vida deste veciño de Allariz, que faleceu no lugar do accidente.
.jpg)
.png)
