Falece un home duns 80 anos ao envorcar o tractor en Cualedro
Foi un particular o que avisou os servizos de emerxencia tras ver á vítiman o chan
O persoal sanitario desprazado só puido confirmar o falecemento da vítima
Un home duns 80 faleceu na tarde deste martes nun accidente co tractor que conducía. Parece que envorcou. Foi en Rebordondo, no concello ourensán de Cualedro. Un particular avisou os servizos de emerxencias ao ver o vehículo agrícola envorcado.
Un veciño que viu á vítima tendida no chan chamou ao 112 para informar da situación e solicitar axuda.
#AXEGAInforma dun home falecido
📍Rebordondo, #Cualedro
▶️A vítima puido sufrir un accidente co seu tractor
🚨Urxencias Sanitarias de Galicia-061, Bombeiros Verín, @guardiacivil pic.twitter.com/mq8e6ouWye
— 112 Galicia (@112Galicia) May 21, 2025
Así, os xestores do Centro Integrado de Atención ás Emerxencias de Galicia pediron a intervención dos profesionais do Servizo de Urxencias Sanitarias de Galicia-061, dos Bombeiros de Verín e dos axentes da Garda Civil.
Xa no punto, o persoal sanitario desprazado só puido confirmar o falecemento da vítima. Pola súa banda, os bombeiros sinalaron que non foi necesario empregar material para recuperar o corpo, porque estaba liberado e accesible.
Ademais, os servizos de emerxencias explicaron que, polo estado do tractor, parecía que envorcara e que puido dar varias voltas de campá.
.png)
