Falece o exministro de Cultura e Deporte José Guirao
O xestor cultural foi nomeado ministro de Cultura por Pedro Sánchez en 2018 e ocupou o cargo ata o ano 2020
O exministro de Cultura José Guirao Cabrera faleceu esta madrugada aos 63 anos no seu domicilio de Madrid tras unha longa enfermidade, segundo confirmou a Fundación Montemadrid.
O xestor cultural foi nomeado ministro de Cultura por Pedro Sánchez en 2018 e ocupou o cargo ata o ano 2020. Previamente, fora director do Museo Nacional de Arte Reina Sofía entre os anos 1994-2000 e incorporárase á Fundación Montemadrid para traballar na apertura dun novo centro sociocultural.
O velorio permanecerá aberto dende as 16:00 horas deste luns no tanatorio San Isidro, onde o martes ás 12:00 se oficiará un responso para familiares e amigos, tras o que será incinerado.
Sánchez lamenta a morte de Guirao
O presidente do Goberno Pedro Sánchez lamentou a morte do exministro de Cultura José Guirao, a quen se referiu no seu perfil de Twitter como "un home nobre e brillante".
Para Sánchez, hoxe "é un día triste" pola perda de "todo un referente na xestión cultural, que puxo con gran virtude o seu amor pola cultura ao servizo do noso país". O xefe do Executivo trasladou un "sentido abrazo" aos seus familiares e amigos.
Hoy es un día triste. Nos ha dejado José Guirao, un hombre noble y brillante, todo un referente de la gestión cultural que puso con gran virtud su amor por la cultura al servicio de nuestro país.
— Pedro Sánchez (@sanchezcastejon) July 11, 2022
Mi sentido abrazo a su familia y amistades. pic.twitter.com/Fer6pHTUkP
