Morre un motorista de 38 anos tras chocar contra unha varanda en Oímbra

Un motorista de 38 anos faleceu tras chocar contra unha varanda ao seu paso polo municipio ourensán de Oímbra.

Segundo informa a Garda Civil, o accidente produciuse na OU-1011 (Verín-Oímbra) á altura do quilómetro 1,100, en Ponte Oímbra, cunha saída de vía pola marxe dereita da moto e posterior choque contra a barreira de protección metálica.

O motorista, veciño de Oímbra e único ocupante do vehículo, facía uso do casco como elemento de protección.