Falece o condutor dun vehículo que colidiu contra outro estacionado en Neda
Os servizos sanitarios só puideron confirmar o falecemento da persoa, que puido sifrir unha indisposición previa
Un condutor perdeu a vida ao colidir co seu vehículo contra outro estacionado en Neda.
Foi un particular quen, dez minutos despois das 13 horas, informou ao 112 Galicia do accidente: un coche colidiu contra outro estacionado cando circulaba polo quilómetro 2 da AC-115, en Neda. Pola natureza do accidente, o propio alertador explicou que podía tratarse dunha indisposición previa do condutor implicado, e que este permanecía inconsciente.
🔴 #AXEGAInforma do falecemento dun condutor tras colidir co seu coche contra outro estacionado en #Neda.
— 112 Galicia (@112Galicia) March 19, 2026
📍 Km. 2 da AC-115.
➡️ Foi un particular quen alertou ao #112Galicia, sinalando que a persoa permanecía inconsciente.
🔗 https://t.co/hBUFy4sUUp pic.twitter.com/Z182O0Z1Mm
De inmediato, desde o 112 Galicia activouse un operativo no que participaron Urxencias Sanitarias de Galicia-061 e a Garda Civil de Tráfico.
Os servizos sanitarios só puideron confirmar o falecemento da persoa.
