Falece aos 98 anos Antía Cal, unha das grandes pedagogas de Galicia
Falece aos 98 anos Antía Cal, unha das grandes pedagogas de Galicia
En 1961 funda en Vigo o Colexio Rosalía de Castro, onde realiza unha pedagoxía innovadora e progresista
'Antía Cal', programa especial na G2, que xa se pode ver na web
A educadora galega Antía Cal Vázquez faleceu aos 98 anos, segundo informou este mércores o director xeral da editorial Galaxia, Francisco Castro, quen a definiu como "unha das grandes pedagogas de Galicia".
Francisco Catro publicaba a triste nova na súa conta de Twitter.
Unha nova moi triste. Foise unha das grandes pedagogas de Galicia. Que a terra lle sexa leve. Na @EdGalaxia publicamos o seu fermoso "Este camiño que fixemos xuntos". https://t.co/vuK8pHAM9A a través de @XornalVigo
— Francisco Castro (@chamademesimbad) March 30, 2022
O director xeral da editorial Galaxia lembra que Antía Cal sempre defendeu que "ver ben dada unha clase é como ir a un concerto dunha boa orquestra".
Antía Cal Vázquez, nada na Habana o 18 de abril de 1923, procedía dunha familia de emigrantes, orixinaria de Muras (Lugo) e cando volveu a Galicia, cando rematou o bacharelato, tiña claro que non se ía resignar simplemente a estudar Comercio, por vontade do seu pai, e foi a súa determinación a que a levou a ser mestra.
En 1961 funda en Vigo o Colexio Rosalía de Castro, un centro de ensino privado dende o que realiza unha pedagoxía innovadora e progresista pouco habitual naquela España dos sesenta.
_frame_90.png)
