Expectación na Coruña para asisitir ao congreso da Fundación Lo que de Verdad Importa
Tres relatores con tres impactantes historias de superación persoal reclamaron que a sociedade non esqueza os valores da solidariedade e da empatía, como piares dunha vida plena
Ousman Umar chegou a Europa en patera, con 17 anos e despois dunha dunha durísima viaxe de 36 meses polo deserto. A ovación chegoulle esta mañá despois de relatar todo o aprendido ante un auditorio de máis de mil estudantes.
"Somos seres que temos moito medo, e o sistema regálanos o medo en cada recanto porque grazas a iso poden vendernos a seguridade despois. Isto é a pura verdade", dixo.
Acompañaban a Ousman Umar, Arantxa Martínez e Albert Espinosa. Dúas experiencias máis, duras tamén, para advertirnos de que importa darse conta de que se nos inculca a competitividade en lugar da empatía e o ruído en vez da capacidade de diálogo.
"Non imos solucionar un problema se non somos quen de empatizar cos que temos en fronte e mirarlles aos ollos. Hai que romper iso e volver ao sentido de comunidade", explicou Arantxa Martínez.
E así, con esa sensación de pensar polo menos uns minutos no que importa de verdade, acabou a semana lectiva para os estudantes da Coruña que asistiron como público.
