'Eterno 10', de Sergio Portela, é o deseño gañador escultura dedicada a Iago Aspas
A escultura realizarase en fundición de bronce artístico, cunha altura de 1,76 centímetros
Foto Concello de Vigo
'Eterno 10', de Sergio Portela Campos, é o deseño gañador do concurso convocado polo Concello de Vigo para realizar unha escultura dedicada a Iago Aspas en recoñecemento á súa traxectoria.
En segundo lugar quedou a proposta 'Orgullo celeste', de José Manuel García, e, en terceiro, 'El Triunfo' de Ramón Ángel Conde Bermúdez. O gañador realizará a escultura e recibirá 9.000 euros, o segundo premio recibirá 4.000 euros e o terceiro 2.000 euros.
No acto de apertura dos sobres, o xurado explicou que, unha vez coñecida a autoría das obras, procedía a comprobar a documentación presentada e agradeceu a participación no concurso, no que se recibiron 19 propostas.
A escultura realizarase en fundición de bronce artístico -cobre e estaño-, cunha altura de 1,76 centímetros. O concurso municipal ten un orzamento total de 295.000 euros.