Estudantes da Axencia Espacial Escolar Galega lanzan a quinta cápsula estratosférica da NOSA

No momento do lanzamento da quinta cápsula estratosférica da NOSA, matemáticos, físicos, enxeñeiros, e quen sabe se astronautas en potencia, celebran o lanzamento. Pechaban así un meticuloso traballo para preparar a cápsula.

"É un proxecto moi amplo, que abrangue  desde a física e química, a mecánica, a cinemática e dinámica, os fluidos, a presión, o volume...", explica Raquel Beira, xefa de Estudos de CPI O Cruce de Cerceda.

Despois de horas de seguimento, con monitorización minuto a minuto, licenza de Enaire e cálculos coa dirección do vento... espérase que a cápsula caia axiña preto de Quiroga.