Suspéndense as clases este luns no interior da provincia de Pontevedra polo mal tempo

A Xunta vén de activar para mañá a alerta vermella por chuvias no interior de Pontevedra e laranxa no noroeste, sur e zon do Miño de Ourense.Tamén haberá alerta laranxa por temporal costeiro en todo o litoral galego.

A Dirección Xeral de Emerxencias e Interior, da Consellería de Presidencia, Xustiza e Deportes, informou da situación a través do Centro Integrado de Atención ás Emerxencias 112 Galicia aos concellos da provincias afectadas co fin de garantir a seguridade dos bens e as persoas, deputacións, servizos provinciais e agrupacións de voluntarios de Protección Civil e aos clubs náuticos, entre outros.

O 112 advirte de que durante a activación da alerta vermella é recomendable activar o Plan de Emerxencia Municipal do concello (PEMU) ou o Plan de Acción Municipal (PAM) ante inundacións no caso de telo.

Segundo os organismos predictores, a alerta vermella actívase por precipitación acumulada que pode acadar os 150 mm. en 12 horas e no noroeste, sur e zona do Miño de Ourense 80 mm en 12 horas.

Ante as fortes chuvias recoméndase circular con precaución e informarse antes do estado das estradas, non atravesar zonas inundadas ou que poidan chegar a asolagarse e non aparcar nas ribeiras dos ríos.

Debido á alerta vermella por choiva, a Comisión Escolar de Alertas decidiu suspender as clases e o transporte durante toda a xornada de mañá, luns 26, nos centros educativos e nas escolas infantís da zona Interior de Pontevedra.
 
Debido á alerta laranxa por choiva, este luns tamén quedan suspendidas as actividades no exterior dos centros educativos en tres zonas da provincia de Ourense: Noroeste, Miño e Sur.
 
A Secretaría Xeral para o Deporte da Consellería de Presidencia, Xustiza e Deportes, segundo as previsións dos órganos preditores, anunciou a suspensión da actividade deportiva federada

Estes luns chega a borrasca Joseph e traerá moita chuvia, neve na montaña, ventos fortes e temporal marítimo

Unha nova borrasca de alto impacto, denominada Joseph, deixará a partir de mañá luns choivas abundantes en boa parte da península, neve nas montañas, ventos intensos e temporal marítimo.

Así o sinala na súa conta de X a Axencia Estatal de Meteoroloxía (Aemet) que especifica que a borrasca foi nomeada polos expertos do Instituto Portugués do Mar e da Atmosfera (IPMA).

🌀La borrasca Joseph ha sido nombrada por nuestros colegas portugueses del @ipma_pt.

➡️ A partir del lunes dejará lluvias abundantes en buena parte de la Península, nieve en las montañas, vientos intensos y temporal marítimo.

⚠️ Consulta avisos en vigor en nuestra web y app. pic.twitter.com/HlzIzGSGmc

— AEMET (@AEMET_Esp) January 25, 2026

Aínda que se prevé que as precipitacións poidan afectar a boa parte do país, o peor estará en Galicia, en concreto en Pontevedra.

No interior desta provincia as choivas serán moi abundantes o luns 26 e a madrugada do martes 27, o que provocará que no mapa de avisos se active o nivel vermello -o máximo- por perigo extraordinario.

Poderanse superar os 120 litros por metro cadrado en 12 horas e a axencia prevé posibles inundacións e crecidas, polo que pide extremar as precaucións e seguir as recomendacións de Protección Civil.

Joseph chega despois de Ingrid, unha borrasca que este domingo continúa notándose, cun mapa de avisos que coloca en nivel vermello outra vez a Galicia e a Asturias, Cantabria e País Vasco por perigo extraordinario de fenómenos costeiros, con ondas que poden superar os 10 metros.

25/01 12:12 AVISOS HOY Y MAÑANA | España: vientos, costeros, lluvias, tormentas y nevadas. Nivel máximo de aviso: rojo.
Actualizaciones en https://t.co/BLdoSsO2Qv pic.twitter.com/AUFrCSkD7T

— AEMET (@AEMET_Esp) January 25, 2026