Claudia Pina mete a selección española nas semifinais da Liga das Nacións

A selección española feminina meteuse nas semifinais da Liga das Nacións grazas a un dobrete da xogadora do Barcelona Claudia Pina (2-1). Entrou no segundo tempo e os seus goles permitiron remontar o gol inicial de Inglaterra. Unha derrota tería eliminado a España. 

As inglesas estiveron todo o primeiro tempo sometidas ao dominio do conxunto de Montse Tomé. Pero nun contragolpe culminado por Alessia Russo (minuto 22) conseguiron materializar a súa única ocasión. 

😓 GOL de Inglaterra

Se queja España de una falta previa a Salma Paralluelo. La árbitra da el gol

Sigue el encuentro en directo en La 1 y @rtveplay: https://t.co/NR40qdlEBn#UWNL| #JugarLucharYGanar #SelecciónRTVE pic.twitter.com/Pa4d1pVHVr

— Teledeporte (@teledeporte) June 3, 2025

España gozou de boas ocasións nas botas de Patri Guijarro ou Esther González pero non conseguiu marcar. Tampouco tivo sorte coas decisións arbitrais nunhas mans na área que non considerou como penalti a árbitra húngara. O segundo tempo seguiu co acoso español ata que no minuto 60 Claudia Pina acertou cun remate cruzado imposible para a porteira inglesa.

⚽️ ¡¡¡¡GOOOOOOOOL DE ESPAÑA!!!!!!

Claudia Pina, que había entrado hace tan solo unos minutos, pone a España de nuevo primera de grupo

Sigue el encuentro en directo en La 1 y @rtveplay: https://t.co/NR40qdlEBn#UWNL #JugarLucharYGanar #SelecciónRTVE pic.twitter.com/GOiCU5oz3g

— Teledeporte (@teledeporte) June 3, 2025

No medio do dominio español chegaría o segundo tanto, tamén marcado por Claudia Pina cun gran disparo desde a frontal da área. Quedaban menos de vinte minutos e a clasificación semellaba selada.

España, á que lle chegaba un empate, métese cunha soa derrota na fase de grupos e optará a engadir un novo título ao seu palmarés.