España asoballa a Nixeria na segunda parte (83-58)
Paula Ginzo anotou nove puntos e María Araújo deixou cinco
Nixeria chegou a ir nove arriba no segundo cuarto
O partido era preparatorio para a Copa Mundial de Berlín
A Selección española de baloncesto feminino superou á campioa de África, Nixeria, por 83 a 58. Os 25 puntos de diferenza non falan das dificultades que se encontraron as rapazas do adestrador galego Miguel Méndez na primeira parte; as nixerianas mesmo chegaron a mandar por nove no segundo cuarto. Pero á volta do descanso a situación virou de xeito radical e as españolas impuxeron o seu físico e encontraron un ritmo de xogo e un acerto desde o perímetro que lles permitiron acabar por levar o partido con comodidade.
Amais de Miguel Méndez, a Selección conta con Cris Cantero, a adestradora do Celta Zorka. E na cancha, as galegas Paula Ginzo que deixou nove puntos neste partido e María Araújo que anotou outros cinco.
Este domingo España medirase á vixente campioa de Europa, Bélxica.
Ao acabar o partido, Miguel Méndez apuntaba a diferenza de nivel físico como a clave principal do acontecido no segundo tempo.
