Envorca un camión cisterna na AP-9 con 32.000 litros de gasóleo
A Xunta activa o Plan de Emerxencia Transgal
O acceso a zona atópase cortado por motivos de seguridade
A Consellería de Sanidade estableceu unhas recomendacións as vivendas achegadas á zona
O envorco dun camión cisterna que contiña 32.000 litros de gasóleo provocou o corte da AP-9 á altura do punto quilométrico 164, con sentido Tui no termo municipal de Mos.
En total, vertéronse uns 7.000 litros de gasóleo, o resto foi traspasado a outro camión da empresa.
Aínda que o camión xa foi retirado, o acceso a zona atópase cortado por motivos de seguridade.
A Xunta activa o Plan de Emerxencia Transgal
O camión, que cargaba gasóleo, envorcou arredor das 9:30 horas desta mañá, de maneira que se produciron varias fugas e mesmo chegou a prender lume, aínda que este xa foi sufocado polos servicios de emerxencias. Con todo, non constan persoas afectadas polo suceso, aínda que foi preciso cortar a circulación pola AP-9 neste punto.
Isto obrigou a activar o Plan de emerxencias por accidente de transporte de mercadoría perigosa implicado (Transgal). Ao abeiro deste Plan, coordínanse as distintas intervencións dos recursos de emerxencias, que estudan a maneira de retirar vehículo e carga coa menor repercusión para a contorna e a veciñanza.
A @Xunta activa o Plan de Emerxencias Transgal por un camión cisterna envorcado no que prendeu lume.
— 112 Galicia (@112Galicia) June 6, 2026
📍Quilómetro 164 da AP-9, Mos.
🔗 https://t.co/g4phB2TSP6 pic.twitter.com/rO9eHNo9LW
En canto aos medios e recursos mobilizados, atópanse traballando no puntos os Bombeiros do Baixo Miño máis os de Vigo, ademais do GES de Mos e da Garda Civil de Tráfico.
Con todo, recoméndase á poboación evitar aproximarse á zona e seguir as indicacións das autoridades.
Recomendacións da consellería de Sanidade
Tras o accidente e os 7.000 litos de combustible vertidos, a consellería de Sanidade estableceu unhas recomendacións as vivendas achegadas á zona.
Ante calquera indicio de posible contaminación da auga (olor a combustible, sabor anómalo ou presenza de manchas aceitosas), recoméndase non empregar a auga, evitar os espazos se se detecta cheiro a combustible ou produtos químicos, pechar a chave de paso do pozo...
.png)
