Envelenan árbores no paseo de Canido, en Vigo

Dous anos despois, a historia repítese en Canido. Veciños denuncian un suposto envelenamento das árbores, que apareceron con buracos aos que lles meteron substancias tóxicas. Árbores en risco, pero tamén a saúde de animais e persoas que pasean pola zona.

Agora están intentando revivilos e empapeláronos con carteis reivindicativos para concienciar a veciñanza.

Conta Ángel Goberna, presidente da Asociación de veciños San Miguel de Oia que "estes días apareceron novamente despois de dous anos as árbores con buracos e veleno de glifosato. Todo apunta a xente que lle molestan as árbores porque lles tapan as vistas".

A veciña Ana González Díaz, amosa como eses buracos desprenden unha sustancia velenosa, e está indignada porque nin no concello nin Seprona teñen en conta as súas reclamacións.

Marina Rivas está tamén indignada e triste, di que "hai dous anos fixérono cun trade, ten que ser pola noite. Agora foi con algo punzante, un martelo, e estivemos limpando con auga con xabón, terra...".

Tamén denuncian que hai tempo que o Concello instala tomas de terra directamente nas árbores, e que acaban con elas. O que teñen claro e non van deixar que isto pase, que mesmo organizaranse para facer gardas e localizar aos culpables.