Publicador de contidos

Publicador de contidos

Ence estuda a apertura dunha fábrica de biomateriais e de papel tisú nas Pontes

Ence estuda a apertura dunha fábrica de biomateriais e de papel tisú nas Pontes

A empresa cifra entre 330 e 350 millóns de euros o investimento na nova factoría que se instalaría nos terreos da central térmica

EP 27/06/2022 16:18

O consello de administración de Ence trasladoulle este luns á Xunta de Galicia que estuda instalar unha fábrica de biomateriais e de papel tisú nas Pontes. En concreto, segundo avanzou o presidente da compañía, Ignacio Colmenares, emprazaríase na localización da central térmica.  

Segundo as primeiras estimacións, a compañía cifra entre 330 e 350 millóns de euros o investimento. Ademais, calcula que poderían traballar, directamente, 150 empregados, outras 400 persoas relacionadas con empresas de mantemento ou transportes e "algo máis de 1.000 persoas" relacionadas con empregos indirectos.  

Así, Colmenares detallou que estudan instalar nas Pontes unha planta de recuperación de papel e de cartón que produciría fibras recuperadas, coa posibilidade de incluír no proceso fibra virxe procedente da factoría de Pontevedra e iso, engadiu, "acabaríase en papel tisú mixto, recuperado e virxe".  

Logo dunha reunión en que tamén participou o presidente da Xunta, Alfonso Rueda, o vicepresidente primeiro e conselleiro de Economía, Industria e Innovación, Francisco Conde, mostrou o "compromiso" da Xunta de Galicia con este proxecto e agradeceu "o compromiso de Ence con Galicia".  

"O compromiso de Ence con Galicia é un compromiso de moitos anos e que hoxe é referendado, non só pola súa localización en Lourizán, senón pola decisión de avaliar a posibilidade de desenvolver un novo proxecto en Galicia", manifestou o vicepresidente.    

Publicidade
Publicidade
Publicidade
Publicidade