O Celta perdoa a un Cádiz que xogou con dez durante máis dunha hora (1-1)
Chris Ramos adiantou o Cádiz e Strand Larsen empatou no segundo tempo
O Celta tirou 26 veces a portería e o seu rival só dúas
Outra xornada en que o cadro vigués non dá gañado como local
Minuto a minuto
Péchase a xornada 15 na Primeira División co partido de Balaídos, fundamental para o Celta que quere estrear o taboleiro de vitorias como local nesta temporada. No caso de sumar os tres puntos igualaría co Cádiz a 11 puntos.
Xa temos o XI do Celta. Mingueza e Tapia no centro do campo, Luca e Bamba nas bandas con Iago e Larsen arriba.
🚨 Xa temos o XI do @RCCelta
— En Xogo tvG2 (@EnXogo_tvG2) December 4, 2023
🆚 @Cadiz_CF
⌚️ 21:00
Lembrade que podedes escoitalo nun especial @GALICIANGOLES
Ou seguilo no noso minuto a minuto en G24 📲 https://t.co/HimI6RCvUZ pic.twitter.com/LwoLBMT2C1
O XI do Cádiz é o formado por David Gil, Fali, Alcaraz, Chust, Rubén Sobrino, Álex Fernández, Iván Alejo, Javi Hernández, Chris Ramos, Iza e Roger Martí.
Partido en xogo!! O Celta vai á procura da primeira vitoria como local
Centro de Javi Hernández e mal control de Roger Martí na área. Primeiro achegamento para o Cádiz
Laaaaarsen!!!! Que ocasión!!! Puxo o centro Manu Sánchez e o remate de Jorgen foise rozando o longueiro
Volve probar Strand Larsen desde a frontal pero non atopa a portería
0-1 Que resposta do Cádiz!!! Gran centro de Iván Alejo e marca o ex do Lugo Chris Ramos
Mingueza!!!!! Gran remate e resposta do porteiro do Cádiz que manda a córner
Novo achegamento do Celta cun remate de Larsen que atrapa o porteiro visitante David Gil
Centra Kevin e remata Strand Larsen cruzado de máis!!! O noruegués búscao de xeito insistente
Cartón vermello a Víctor Chust por agarrar a Aspas na frontal da área. Queda con 10 o Cádiz
Troco no Cádiz. Entra Mbaye, un defensa, por Roger Martí, un dianteiro
Remate de Aspas e paradón de David Gil!!!!! Outra clarísima
Tapia buscouno desde a frontal pero marchou desviado por pouco
Cabecea Unai por riba do traveseiro. Insiste o Celta para empatar antes do descanso
Tempo de lecer en Balaídos. 10 remates do Celta por 1 do Cádiz pero a efectividade foi dun equipo cadista que leva en inferioridade desde o minuto 33
Imos coa segunda metade!! En Balaídos hai 17.302 espectadores
Ao campo Hugo Sotelo e Carles Pérez no lugar de Kevin e Starfelt
1-1 GOOOOOOOL de Strand Larsen que empurra o centro de Manu Sánchez
Tivo o segundo Larsen nunha xogada de ataque moi embarullada que acabou en córner
Probou Alcaraz desde fóra da área, o segundo disparo do Cádiz en todo o partido
Recibe Larsen, faise un oco na área pero o seu remate é rexeitado por David Gil coa cabeza
Hugo Sotelo envía unha falta directa lixeiramente alta
Entramos no treito final. O Celta engarrafa o Cádiz no seu campo pero non acaba de ter ocasións
Pega un disparo Ristic ás mans de David Gil
Entran Dotor e Douvikas por Larsen e Luca de la Torre ... Quedan 3 minutos para o final
Remata Bamba de cabeza e saca a córner David Gil. Xa son 26 lanzamentos a porta do Celta por 2 do Cádiz
Final en Balaídos. Empate decepcionante para un Celta que xogou contra dez durante máis dunha hora
