A cantina móbil da Cruz Vermella recorre as aldeas para combater a soidade no rural
Xuntarse para botar a partida ou un conto; a Cruz Vermella recupera a filosofía das cantinas das aldeas a través da súa cantina móbil
Este verán estará nunha ducia de aldeas da provincia de Lugo
Algo tan sinxelo como sentar arredor da mesa cunha taza de café e boa conversa.
"Nas aldeas necesitamos de sitios onde xuntarnos os veciños, xa somos poucos", di unha muller.
Ter compañía e selo. Xogar unha partida e botar unhas risas.
"A partida ben, ou as levas todas ou nada", comenta un home.
Tamén hai tempo para exercitar a memoria, a atención ou a capacidade de reacción.
"Traballo moito a nivel cognitivo, con exercicios para exercitar a memora, a atención", explica Marta Fernández, unha das técnicos de animación da Cruz Vermella.
Está pensada para combater a soidade do rural.
"É que se non hai algo así, xa nin imos coñecernos", di un home.
Este verán a cantina mobil da Cruz Vermella visitará unha ducia de aldeas da provincia de Lugo. Poñela en ruta require dun traballo previo moi laborioso e non sería posible sen a colaboración das asociacións de veciños.
.png)
