Chegan a Vigo os bancos da amizade
Un vigués anónimo segue o ronsel iniciado pola moza americana Acacia Woodley en 2012
Preto de douscentos bancos urbanos de Vigo apareceron cunha singular pegatina "bancos da amizade".
O autor dos adhesivos é un vigués anónimo que quere favorecer a conversa e a relación social entre os cidadáns que se sintan sós. As pintadas apareceron sobre todo nos barrios de Coia e Peniche.
Hainos de pedra, de ferro, de madeira , sinuosos ou rectos. En Vigo houbo un tempo en que os bancos se puñan a demanda. Desde hai varias semanas en Vigo hai tamén os bancos da amizade.
Naceron en 2012 en Estados Unidos para favorecer o encontro das persoas que se sentisen soas. En España habíaos xa en Aragón e Andalucía.
A presenza de nenos e mascotas tamén favorecen a conversa.
Puri, Julia e as outras amigas chegadas de Foz, Leiro ou do propio Vigo pasan cada tarde aquí algunha tan só leva tres anos pero xa fixeron comunidade. Aquí non precisan adhesivos para se comunicar.
