O Celta estira o seu doce momento ante o Raio (3-0)
O Raio foi mellor durante 50 minutos, nos que o Celta sufriu
O segundo gol galego e a expulsión de Mendy afundiron ao Raio
Dos últimos 18 puntos en xogo na Liga, o Celta conseguiu 16
Carreira, Bryan e Javi Rueda goleadores
Minuto a minuto
Ás 18:30h comeza o partido de Balaídos. Celta-Raio Vallecano, co equipo vigués á busca de abrir unha fenda sobre o 8º posto da Liga. Este é o XI inicial de Claudio Giráldez para o encontro:
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵#CeltaRayo ⋄ #LALIGAEASPORTS pic.twitter.com/hljXbkIZM1
— Celta (@RCCelta) January 18, 2026
E este é o XI do Raio Vallecano:
⚡️ Once del Rayo Vallecano elegido por Íñigo Pérez para enfrentarse al @RCCelta.#CeltaRayo #VamosRayo pic.twitter.com/tBYyQq1jlq
— Rayo Vallecano (@RayoVallecano) January 18, 2026
A piques de principiar, vemos moita unlla pintada. Moito apoio a Borja Iglesias. E vós, ides pintalas?
Arranca o partido en Balaídos!!! Imos aló!
Primeiros minutos, domina o Celta. O Raio pecha e busca roubar e saír na contra. O Celta está con Mingueza e Hugo Álvarez na banda dereita e con Sergio Carreira e Bryan Zaragoza na esquerda.
O máis salientable ata agora no banco visitante. Aí está Íñigo Pérez, o adestrador, en manga curta co frío que fai. Uffffffff
Rápida transición do Raio pola banda dereita que acaba deixando a De Frutos ante Radu. O porteiro estivo rápido e chapou o balón. Porteirón, este Radu.
Primeiro aviso do Celta, con Bryan Zaragoza. Diagonal de Bryan, arrancando desde a banda, que acaba con tiro. Batalla rexeita a córner. Está algo lento o Celta, previsible.
Ocasión do Raio. Con Mendy e Carlos Martín, en boca de gol. Acaba tocando, defectuoso, Mendy. O Raio está chegando con máis perigo.
Centra Álvaro e remata a bocaxarro Carlos Martín. Providencial Marcos Alonso. Petou nel o disparo. Os vallecanos están mellor que o Celta.
Goooooool do Celta. Enorme pase de Hugo Álvarez para a chegada de Carreira. Sorprende e supera a Batalla. No seu peor momento, marca o Celta!!! Segundo tanto de Sergio na Liga
Finaaal da primeira parte! Vale o gol de Sergio Carreira!!
O Celta soubo sufrir e aproveitou unha acción de calidade de Hugo para tomar vantaxe. Pao duro para o Raio que estaba a ser mellor.
Arranca a segunda metade. Non hai cambios. Imos aló!
Barullo no área que acaba cun remate fóra do Pacha Espino. Levou perigo.
Ocasión de Isi!!! Salva Radu. O Raio recupera e acosa ao Celta. Aguanta o aire Balaídos. Toca sufrir.
Penaltiiii en Balaídos!!! Sae o Celta na contra e a xoagada acaba con penalti do Pacha a Bryan Zaragoza. Mateo Busquets asubía e agora agarda a decisión da sala VOR....
Penalti confirmado!
Gooooool do Celta!!!!!!
Lanza o penalti Bryan Zaragoza engana a Batalla e marca. Determinante Bryan!
Doutra volta sae o Raio mellor e os galegos, na primeira que chegan, pasan por caixa. Efectividade é como se chama!
Primeiros cambios no Celta. Marchan Sotelo que estaba amonestado e entra Miguel Román. Sae tamén Hugo Álvarez e comparece Swedberg
Vaia entrada de Mendy a Swedberg!!! Terrorífica. Como para esnaquizarlle o nocello!
O árbitro saca amarela. Entra o VAR. Rectifica o colexiado e expulsa a Mendy. O Raio queda con dez!
Que ocasión de Swedberg! Gran xogada de Pablo Durán e o seu centro envíao fóra o sueco. Estorboulle Legend.
Gol anulado a Javi Rueda!
Enorme pase de Swedberg para Javi que bate a Batalla por entre as pernas. O colexiado invalida, a instancias do asistente, por fóra de xogo.
Goooooooolll de Javi Rueda!!!!! Agora sí!
Saída rápida con envío de Swedberg para Bryan, salva Batalla en primeira instancia, pero o rexeite caelle a Javi Rueda. Resolve Javi Rueda!
Segundo tanto na Liga para Javi.
Cambio no Celta. Debuta Hugo Burcio! Parabéns canteirán! Entra por Starfelt.
Soa a Rianxeira en Balaídos.
Ocasión para Pablo Durán. Chapa en dous tempos Batalla.
Finaaaallll en Balaídos!!! o Celta sufriu, resolveu e acabou gozando. 3-0, goles de Sergio Carreira, Bryan e Rueda.
E ollo coa xeira! Dos últimos 18 puntos en xogo na Liga, este Celta fixo 16. Unha pasada!!!
