Na bacía do Miño-Sil xa choveu en 6 meses tanto como en todo un ano hidrolóxico

O encoro dos Peares está ao 98 por cento da súa capacidade, unha imaxe que se repite en boa parte da bacía do Miño-Sil. De media, as reservas de auga chegan ao 90 por cento, 13 puntos por riba do que é habitual. Choveu un 50 por cento máis e continúan as precipitacións.

O mesmo acontece nos ríos. Levan o dobre de auga do que é normal a estas alturas. Tamén as augas subterráneas están por riba do habitual, entre un 20 e un 30 %.

Aínda que continuarán as precipitacións, dende a Confederación Hidrográfica do Miño-Sil non prevén incidencias.